Bestellen
Hutt dir e Showroom?
Mir hu kee Showroom. Well mir kee Showroom hunn, kënne mir eis Artikelen zu besonnesch kompetitive Präisser ubidden.
Wéi maachen ech eng Bestellung?
Lee d'Artikelen, déi du wëlls bestellen, an de Wuerekuerf iwwer de Knäppche "An de Wuerekuerf" nieft dem Bild vum Artikel.
Duerno kënnt en neit klengt Fënster op an du kriss follgend Méiglechkeeten ugewisen: Wuerekuerf kucken, zur Keess goen an zréck an de Buttek.
Dës Fënster kriss du bei all Artikel, deen s du dobäis. Wann s du alles hues, wat s du brauchs, klick op "Zur Keess".
Hues du schonn e Kont? Da mell dech fir d'éischt un, ier s du weidergees zur Bezuelung. Sou kanns du d'Bestellung méi séier ofschléissen, well mir deng Date scho hunn. Hues du kee Kont? Och dann kanns du als Gaascht bestellen, mir brauchen awer fir d'éischt deng Donnéeën. Wann s du alles ausgefëllt hues, kanns du entscheeden, ob deng Donnéeën automatesch gespäichert solle ginn oder ob s du just als Gaascht bezuele wëlls.
Tipp: Registréier dech beim Bestellen, fir dass du d'nächst Kéier méi séier bestellen kanns. Ausserdeem kanns du deng fréier Bestellungen an och eventuell net erfollegräich Bezuelversich anzekucken. Mir schécken dir ni E-Mailen, ouni dass du dech dofir ugemellt hues.
Wéi änneren ech meng Liwweradress?
Hues du e Feeler gemaach beim Bestellen? Kee Problem, dat kann geschéien.
An deem Fall ass et am beschten, eis iwwer de Kontaktformulaire deng richteg Adress matzedeelen. Mir informéieren dech dono, ob et ugepasst gouf.
Et kann virkommen, dass mir deng Bestellung scho verschafft hunn. An deem Fall kënne mir leider näischt méi fir dech änneren.
Wéi änneren ech den Inhalt vu menger Bestellung?
Kontaktéier eis sou séier wéi méiglech mat der Ännerung, déi du wëlls duerchféieren.
Wann s du een oder méi Artikelen aus dengem aktuellen Optrag annuléiere wëlls, gëtt de Betrag, deen ze vill bezuelt gouf, bannent 24 Stonnen op däi Kont zeréckbezuelt.
Et ass net méiglech, een oder méi Artikelen zu dengem aktuellen Optrag dobäizemaachen.
Mir bieden dech an deem Fall, eng nei Bestellung ze maachen. Wann dee Artikel ënner 50 € kascht, kriss du vun eis e Rabattcode, deen s du agi muss, fir keng Versandkäschten ze bezuelen.
Wéi annuléieren ech meng Bestellung?
Eng Annulatioun ass nëmme méiglech, wann d'Bestellung nach net verschafft ass.
Wann s du annuléiere wëlls, kontaktéier eis sou séier wéi méiglech.
Wéini kréien ech meng Bestellung?
Normalerweis hu mir eng Liwwerzäit vun 1 bis 3 Aarbechtsdeeg, wann s du deng Bestellung op engem Aarbechtsdag virun 17:00 Auer gemaach hues. Dat heescht, dass däi Pak bannent 3 Aarbechtsdeeg bei dir ass, virausgesat den Transporteur hält sech un d'Ofmaachungen.
Ass mäin Artikel op Lager?
Mir schaffen mat engem automatiséierte System, deen de Lagerbestand online aktuell hält.
Soubal deng gewënschten Artikel net méi op Lager ass, geet den Artikel automatesch op de Statut: "verkaaft".
Kann ech en Artikel reservéieren?
Mir kënnen keng Artikelen fir dech zréckhalen oder reservéieren. Du muss den Artikel online bestellen a bezuelen. Telefonesch bestellen oder reservéieren ass leider net méiglech.
Kann ech en Artikel bestellen, deen verkaaft ass?
Technesch ass dat online net méiglech, kontaktéier eis dofir w.e.g..
Kann ech als Entreprise bestellen?
Jo, dat ass méiglech. Wann s du deng TVA-Nummer op der Rechnung wëlls, kontaktéier eis w.e.g..
